ቅንጫቢ ፯ ናዚዎችን ፋይናንስ ማድረግ እና ሁለተኛው የአለም ጦርነት (ካልታተመ መፅሃፍ የተወሰደ በግደይ ገ/ኪዳን እና ተክሉ አስኳሉ)

Posted: March 7, 2012 in ሽብር
ናዚዎችን ፋይናንስ ማድረግ እና ሁለተኛው የአለም ጦርነት
“ከስፓርታከስ ዉሻፕት [ኢሉሚናቲ መስራች] ግዜ እስከ ካርል ማርክስ፣ እስከ ሊዮን ትሮትስኪ፣ ቤላ ኩን፣ ሮዛ ሉግዘምበርግ፣ እና ኤማ ጎልድማን ድረስ …. ይህ አለም ዓቀፍ ሴራ ያለማቋረጥ እያደገ ነው…”
ዊንስተን ቸርችል በጥቅምት 8፣ 1920 Illustrated Sunday Herald ለተባለ ጋዜጣ ከፃፈው የተወሰደ፡፡
ይህን ክፍል ካልታተመው መፀሀፋችን ከገፅ 207 በወሰድነው ጥቅስ ብንጀምረው ነገሮችን ሁላ ያሳጥርልናል፡- “የሄግሊያዊ ዲያሌክቲክ ማርክሲስት አተረጓጎሙ ፋይናንሻል ካፒታሊዝምን እንደ ተሲስ ማርክሲስታዊ አብዮትን እንደ አንቲተሲስ አርጎ ያስቀምጣል፡፡ ግልፅ የሆነው እንቆቅልሽ በዚህ ማርክሲስታዊ አባባል በነዚህ ሁለት ተቃራኒዎች ግጭት ማለትም ፋይናንሻል ካፒታሊዝም እና አብዮታዊ ማርክሲዝም ግጭት ሳቢያ ይፈጠራል ተብሎ እሚታሰበው ሲንተሲስ ባህርያት ምንድን ነው ተብሎ ነው፡፡
“ሌኒን እንደሚለው ከሆነ በሲንተሲሱ መንግስት ጠውልጎ እሚጠፋ ይሆናል እሚለው አባባል ትርጉም አልባ ነው፡፡ እንዲያውም አሁን ያሉት ማርክሲስት መንግስታት እንደሚሉት ከሆነ በሲንተሲሱ መንግስት ይበልጥ ሃያል ይሆናል ነው፡፡ የ“አብዮቱ” አጣዳፊ ግብ ሁሉንም ስልጣን /ሃይል ለመንግስት ማስተላለፍ ነው እና ሁሉም ዘመናዊ የማርክሲስታዊ መንግስታት ስልጣን ከመንግስት እጅ ወደ ህዝቡ እጅ ይገባ ይሆናል በሚል ማባሪያ በሌለው የጥርጣሬ በሽታ ተለክፈው (ፓራኖይድ ሁነው) ነው እለታዊ እንቅስቃሴያቸውን እሚከውኑት፡፡
“እና ያለን አስተያየት የአለም ሃይሎች /ጉልበቶች በተለየ መንገድ እንዲታዩ ነው፣ ሆኖም ግን አሁንም በሄግሊያዊ ዲያሌክቲክ መሰረት ማለት ነው፡፡ ማርክሲዝም እንደ ተሲስ ቢቀመጥ እና ብሄራዊ ሶሻሊዝም ደሞ እንደ አንቲተሲስ – በጣም እሚቀርበው ሲንተሲስ ሄግሊያዊ አዲስ የአለም ስርአት (New World Order) ይሆናል – ከማርክሲዝም እና ብሄራዊ ሶሻሊዝም ግጭት እሚመጣው ሲንተሲስ፡፡ በተጨማሪ ደግሞ በዚህ አባባል ውስጥ የተቃራኒዎቹን ግጭት ፋይናንስ እሚያረጉት እና እሚመሩት በሲንተሲሱ የበላይነታቸውን እንደያዙ መሆን /መገኘት ይችላሉ፡፡” ማለትም ተሲሱን -የቦልሸቪክ አብዮትን እና አንቲተሲሱን -የናዚ አብዮትን ፋይናንስ ያደረጉት፣ በሄግሊያዊ ፍልስፍና ስርአት መሰረት የውጤቱ ወይም ሲንተሲሱ ባለቤቶች ይሆናሉ፣ የአጭር ግዜም ሆነ የረዥም ግዜ ውጤቱ ማለት ነው፡፡ ናዚ ሂትለርን ፋይናንስ ያደረጉት ግለሰቦች ቦልሸቪኮቹን ፋይናንስ ያደረጉት ግለሰቦች ናቸው፡፡
ከአንደኛው የአለም ጦረነት በውኋላ ጀርመን ላይ ኢ-ፍትሃዊ የሆነ ስምምነት ተጫነባት፡፡ ቀጥሎም ኢሉሚናቲዎች የጀርመንን ኢንዱስትሪ መገንባት ጀመሩ፡፡ ቀጥሎም አሸባሪው እና ፅንፈኛውን ሂትለርን መደጎሙን ተያያዙት፡፡ ስለዚህም ሁኔታዎች ለጦርነት እንዲሆኑ ተደርጎ ተመቻችተው ስለነበሩ ጀርመን ወደ ጦርነት ገባች(ይህን ኢሉሚናቲ ከሚለው ቃል ውጪ የመማርያ መፃህፍትም የማይክዱት ነው)፡፡
አሁንም አውሮፓውያን ጦርነቱን ያካሂዱት የነበሩት በአሜሪካ ሳምባ እየተነፈሱ ነበር፣ ለጀርመን ሳይቀር ጦርነቱን በዝረራ እንዳትረታ በእርዳታ ስም በቤልጄም በኩል ከፍተኛ ድጋፍ ይደርሳት ነበር፡- ይህ ሁሉ አንድ የአለም መንግስት ያልተቀበለው ስቃይ በዝቶበት እንዲቀበል ነው፡፡ የፐርል ሃርበር ጥፋት አሜሪካውያንን ወደ ጦርነቱ ለማስገባት መሪዎች የሸረቡት ስለመሆኑ ማስረጃዎቹ ሞልተው ተርፈዋል፡- በ1932 እና 1938 የባህር ሃይል ልምምድ ወቅት በንድፈ ሃሳብ ደረጃ የአሜሪካ ባህር ሃይሎች ወደቡን ደምስሰውት ነበር ይህም ማለት የአሜሪካ መሪዎች የጣብያውን ተጋላጭነት ያውቁ ነበር ማለት ነው፤ የፓሲፊክ ባህር ሃይልን ሮዘቬልት ወደ ገላጣው ፐርል ሃርበር እንዲዘዋወር ሲያዝ አድማይራል ጄምስ ሪቻርድሰን ትዛዙን አልፈፅምም በማለቱ ከስራው ተባሯል፤ በተጠለፈው የጃፓኖች የግንኙነት ኮድ መሰረት ከጃፓን ጋር ሰላም እንደማይወርድ ቀድሞ ይታወቅ ነበር፤ ወደ አሜሪካ ሲያንዣብብ የነበረው የጃፓን አየር ሃይል ድንገት ሲሰወርባቸው የጦር ሹም የነበረው ማርሻል ወደ ፐርል ሃርበር አዛዦች ግር እሚያሰኝ፡- ጃፓኖችን እንዳይነኩ የሚያስጠነቅቅ መልእክት መላኩ (ይህም ፐርል ሃርበር ውስጥ መዘናጋት መፍጠሩን)፤ በታህሳስ ወር መጀመርያ ሳምንት ዋሽንግተን ያለው የጃፓን ኢምባሲ ሰነዶችን እንዲያቃጥል የተላከለትን የኮድ መልእክት መጥለፋቸው፤ በታህሳስ 4 የአውስትራልያ ስለላ የተሰወረው የጃፓን አየር ሃይል ወደ ፐርል ሃርበር እየሄደ መሆኑን መረጃ ቢያቀብልም ሮዘቬልት ጦርነት ፈላጊ ሪፐብሊካኖች እሚያስወሩት ነው ብሎ ማጣጣሉ፤ የብሪትሽ ሰላይ ዱስኮ ፖፖቭ (Dusko popov) የተባለ ከጀርመን አቀባዮቹ ስለ ጃፓኖች እቅድ እንደደረሰበት ቢያሳውቅም ችላ መባሉ፤ ምርመራ በሚደረግበት ወቅት በታህሳስ 6 ምሽት- በጥቃቱ ምሽት ግዜ- ማርሻል እና የባህር ሃይሉ ፀሃፊ ፍራንክ ኖክስ የት እንደነበሩ ማስታወስ እንደማይችሉ የገለፁ ቢሆንም በውኋላ በተደረጉ ምርመራዎች ዋይት ሃውስ ውስጥ እንደነበሩ ተደርሶበታል፤ ገዳይ የሆነው መረጃ የመጣው ግን ከጦርነቱ በውሃላ የጀርመን ሰላይ ላይ ይደረግ በነበረው ምርመራ ግዜ የገለፀው ጉዳይ ነው፡- በህዳር 26, 1941 የጀርመን ሰላዮች በጠለፉት የቸርችል እና ሮዘቬልት የስልክ ንግግር ነው – በዚህም ሮዘቬልት ስለ ጥቃቱ ሙሉ እውቅት እንደነበረው መመስረት ይቻላል፡፡ ከ Jim Marrs – Rule By Secrecy፡፡
በተጨማሪም ፐርል ሃርበር የነበረ የጃፓን ሰላይ ይልካቸው የነበሩ መልእክቶች በጠቃላላ ተጠልፈው ይነበቡ ነበር፣ የኤፍ.ቢ.አይ ሃላፊ ለመያዝ ባደረገው እንቅስቃሴም ከናቫል ኢንተለጀንስ ሃላፊዎች ተቃውሞ ገጥሞት ነበር በዚህም ሰላዩ መረጃ ሲያቀብልና ለጥቃት ሲያመቻች ዝም ተብሎ ሲታይ ነበር፡፡ McCollum memorandumናቫል ኢንተለጀንስ ውስጥ ተቀምጦ የነበረ ሰነድ በስቲኔት የተገኘ(Day of Deceit; The Truth about FDR and Pearl Harbor,Stinnett, ገፅ 83–118.) የሁለተኛ አለም ጦርነት ውጤት በሊግ ኦፍ ኔሽንስ ያለተሳካውን ዩናይትድ ስቴትስን ወደ የዓለም መንግስት እና የዓለም ሕግ ስር (የተባበሩት መንግስታት ውስጥ) ማድረግ እና የቦልሸቪኮችን ወይም የሶቭየት ሕብረትን ኮሚኒስቶች -ጋርዮሻውያንን- ተፅእኖ በዓለም ላይ ማስፋፋት ነበር፡፡ አዲስ የአለም ስርአትን ለማምጣት አንድ ወሳኝ ሄግሊያዊ እርምጃ ወደፊት ያስኬደ፡፡

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s